Saturday, October 1, 2022

ओलीले गरे लिपुलेकमा भारतले बनाएको सडक भारतलाई नै दिने प्रस्ताव !


YOU MAY LIKE
MGID

काठमाडौं – कम्युनिस्ट प्रधानमन्त्री केपी शर्मा ओलीले नेपाली भूमि लिपुलेकमा भारत सरकारले खनेको सडक भारतलाई नै दिने प्रस्ताव सर्वदलीय बैठकमा गरेका छन् ।

भारतले बनाएको सडक भारतलाई नै भाडामा लगाउन सकिने प्रधानमन्त्री ओलीले बैठकमा जनाएका छन् ।

बुधबार बसेको सर्वदलीय बैठकमा ओलीले सडक प्रयोजनका लागि भाडामा दिने अन्तर्राष्ट्रिय अभ्यास रहेको औंल्याउँदै नेपालले पनि भारतले बनाएको सडक भारतलाई नै दिने अभ्यास गर्न सक्ने बताएका छन् ।

नेपाली भूमि फिर्ता गराउन माग गर्दै देशभर आन्दोलन भइरहेका बेला प्रधानमन्त्री ओलीले भने सडक निर्माण भएको क्षेत्र भारतलाई नै प्रयोग गर्न दिने तर्क गरेका छन् ।

भारतसँग कुटनीतिक तवरले नै कालापानी, लिपुलेक, लिम्पियाधुराको विषय टुंगो लगाउनुपर्नेमा बैठकमा जोड दिइएको छलफलमा सहभागी नेपाल मजदुर किसान पार्टीका सांसद प्रेम सुवालले बताएका छन् । मानसरोवर जानका लागि कतिपय सडक स्थानीयले नै खनेको पनि हुनसक्ने तर्क गर्दै प्रधानमन्त्री ओलीले भारतको बचाउ गर्न खोजेका थिए ।

भारतको पिथौरागढबाट नेपालको कालापानीस्थित गुञ्जी हुँदै चीनको मानसरोवर जाने लिपुभञ्याङसम्मको सडक निर्माण गरी केही दिनअघि उद्घाटन गरेको छ । ‘हामीले भारतले एकतर्फी सडक खनेको विषयलाई अन्तर्राष्ट्रिय अदालतमा लैजान भनेका थियौं । तर प्रधानमन्त्रीले कूटनीतिक तवरले टुंगो लगाउनुपर्नेमा जोड दिनुभयो,’ सांसद सुवालले भने ।

छलफलका क्रममा मजदुर किसान पार्टीले एमसीसी पारित गर्न नहुने सुझाव दिएको उनले बताएका छन् । उनका अनुसार छलफलका क्रममा नेपाली कांग्रेसले एमसीसी पारित गर्नुपर्ने सुझाव दिएको छ । कांग्रेसले तत्काल भारतसँग नेपाली भूमिमा भएको अतिक्रमणको विषय उठाएर छलफल थाल्न सुझाव दिएको छ ।

जनता समाजवादी पार्टीले मधेशी जनताले नै सीमामा पहरेदारको भूमिका निर्वाह गरेको भन्दै सरकारलाई यथार्थ नक्सा सार्वजनिक गर्न सुझाव दिएको छ । ‘जनता समाजवादी पार्टीले एक इन्च भूमि मिच्न दिँदैन, हाम्रो भूमि कति हो यथार्थ नक्सा चाहियो,’ समाजवादी जनता पार्टीका नेता शरतसिंह भण्डारीले भने ।

यो पनि पढनुहोस्